Ballkani pret me rehati Santa Colomën, ka avantazhin nga ndeshja e kaluar

Published

5 months ago

16 July 2024

Perparim Beqiri

Ballkani do të zhvillojë sot ndeshjen kthyese ndaj Santa Colomës në kuadër të kualifikimeve për Ligën e Kampionëve.

Suharekasit hyjnë në këtë përballje me një kapital të mirë nga ndeshja e kaluar të cilën e fituan 1:2 në Andorrë.

Ndeshja luhet sot gjatë pasdites, më saktësisht nga ora 16:30.

Pësuan humbje nga Juventusi, Guardiola: Luajtëm shumë mirë, e dua skuadrën time

Published

16 hours ago

12 December 2024

Perparim Beqiri

Trajneri Pep Guardiola ka pasur lëvdata për skuadrën angleze pavarësisht humbjes nga Juventusi.

“Qytetarët” u mposhtën me rezultat 2:0 në Torino, ndërsa në 10 ndeshjet e fundit kanë regjistruar vetëm një fitore.

Sidoqoftë, Guardiola ka dhënë vetëm lëvdata për lojtarët duke i uruar për mënyrën si e zhvilluan ndeshjen.

“Luajtëm vërtetë mirë. Shumë, shumë mirë. Paraqitja jonë ishte aty”.

“Kemi luajtur vërtetë mirë ndaj Juventusit. Nuk kemi humbur topa të gjatë siç ka ndodhur në të kaluarën dhe provuam, arritëm në pozicionet tona”, tha ai.

Ndërkohë, Guardiola shtoi se atmosfera është e mirë në skuadër përpos rezultateve që janë negative.

“Jemi më të mirët. E dua skuadrën time, luajtëm në mënyrën siç donim dhe rezultati nuk do të më bind të mendoj ndryshe”.

“Të enjten rikuperohemi, kemi një ditë pushim dhe përgatitemi për ndeshjen me Unitedin. Dhoma e zhveshjes është në rregull, kur fitojmë jemi të lumtur dhe nëse humbim jo. Është normale. Duhet të ngrihemi. Çfarë mund të bëjmë? Të ndihem keq për vetën time? Do të vazhdojmë përpara”, shtoi ai.

Përndryshe, përballja mes Cityt e Unitedit zhvillohet në “Etihad Stadium” me fillim nga ora 17:30.

UEFA Champions League

Motta: Luajtëm me shpirt kundër Cityt

Published

17 hours ago

12 December 2024

Perparim Beqiri

Thiago Motta thekson se Juventusi e ndoqi planin e tyre të lojës në mënyrë perfekte për të mundur Manchester Cityn 2-0 në Champions League. “Bianconerët” e dinin se presioni ishte i madh, pasi ata ishin në tetë pikë së bashku me Manchester Cityn duke shkuar në këtë përballje.

Të dyja skuadrat duket se janë në krizë për momentin, por Juve doli fitues 2-0 në Torino falë goli me kokë të Dusan Vlahovic dhe një tjetër nga Weston McKennie për t’i ngritur ata në tabelë.

“Ne luajtëm me zemër dhe shpirt, por edhe me kokë, me dëshirën për t’i bërë gjërat në mënyrën e duhur,” tha Thiago Motta për Amazon Prime Video Italia.

“Ne e dinim para ndeshjes se do të duhej të mbroheshim thellë shumë më tepër se zakonisht, por e bëmë atë së bashku si ekip. Edhe në sulm, duhej të shkonim bashkë, të godisnim në kohën e duhur dhe kështu bëmë. Është një fitore e merituar, djemtë bënë mirë dhe ne gjithashtu kishim disa lojtarë të rikthyer nga lëndimi, që do të thotë se stafi ynë mjekësor po punon mirë për t’i sjellë lojtarët në formë të mirë”, la thënë italiani.

UEFA Champions League

Barcelona e fiton dramën e pesë golave ndaj Borussia Dortmundit

Published

1 day ago

11 December 2024

Perparim Beqiri

Barcelona ka shënuar fitore të rëndësishme në udhëtim te Borussia Dortmund, në kuadër të xhiros së gjashtë në fazën e ligës të Ligës së Kampionëve.

Katalunasit arkëtuan pikët e plota falë një fitore të vështirë me rezultat 2:3.

Pavarësisht disa rasteve nga të dy skuadrat, asnjëra nuk arriti t’i konkretizojë rastet në këtë pjesë.

Ishte Raphinha që e zhbllokoi rezultatin pas një asistimi të bukur së Dani Olmos (53’).

Megjithatë, vetëm pesë minuta më vonë Pau Cubarsi shkaktoi një penallti me një ndërhyrje të panevojshme në zonë, ndërsa Serhou Guirassy e finalizoi për ta barazuar rezultatin (60’).

Barcelona arriti ta rikthente epërsinë falë Ferran Torres, që u gjend në vendin e duhur pas goditjes vollej të Lopez që u ndal nga portieri kundërshtar (75’).

Mirëpo, vetëm tre minuta më vonë Barcelonës s’i funksionoi kurthi i pozitës jashtë loje, ku Guirassy përfitoi për ta barazuar prapë rezultatin (78’).

Heroi i Barcelonës doli të jetë Torres, që pas asistimit të Lamine Yamal shënoi nga një pozitë jo e favorshme për të gëzuar tifozët katalunas (85’).

Barcelona renditet në pozitën e dytë në fazën e ligës me 15 pikë kurse Dortmundi bie në vendin e nëntë me 12 sosh.