Manchester Unitedi nuk ka arritur të fitojë më shumë se një pikë në udhëtim te Ipswich Town, në kuadër të xhiros së 12-të në Premierligë.
Edhe pse ishin më të mirë, skuadra mysafire u ndal në një barazim 1:1.
Unitedi e nisi për mrekulli, duke kaluar në epërsi pas vetëm dy minutave falë Marcus Rashford, i cili shënoi pas asistimit të Diallos (2’).
Pas kësaj, Sammie Smodisc kishte rastin e artë për ta barazuar rezultatin megjithatë Andre Onana me një super pritje ia mohoi golin.
Ishte Hutchinson që u gjend në vendin e duhur dhe me një goditje precize s’i dha asnjë shans portierit mysafir për ta barazuar rezultatin (43’).
Pjesa e dytë ishte shumë më e barabartë, ku Ipswich rrezikoi me Liam Delip mirëpo Onana vazhdoi me pritje për t’ia fituar një pikë mysafirëve.
Kësisoj, Ruben Amorim e nis me një barazim epokën e Unitedit. Skuadra angleze renditet në pozitën e 12-të me 16 pikë, kurse Ipswich tani mbledhë nëntë sosh.
